موضوع: رد: قصة حب احمد الصعيدى ونور القاهرية السبت 22 ديسمبر - 18:08
الحــلـقــة الاخـــيـــرة
وقفنا فى الحلقة اللى فاتت على ان احمد كان بيتمشى مع ابوه العمده احمد وهو بيتمشى مع الحاج الفرحة نسته نور بس اول ما افتكر حس انه عايز يكلم نور فاستعجل الحاج انهم يروحوا وفعلاً روحوا
المهم دخل احمد اوضته واتصل بنور فعلاً نور ردت عليه
احمد : نور
نور : احمد ازيك
احمد : الحمد لله تمام ازيك انتى عاملة ايه
نور : الحمد لله تمام
احمد : على فكرة يانور عندى خبر هيفرحك اوى اوى زى ماهو مفرحنى دلوجت
فى الوقت ده الباب اتزق على احمد جامد جداً كأنه كان هيطير واحمد قلبه كان هينخلع
احمد : معلش يانور اكلمك وقت تانى
وقفل التليفون وبيديرلقى الحاج رافع البندقية بتاعته وحاططها على دماغ احمد
الحاج : معاك عملة تحاسبنى ؟؟؟ هههههههه ... انا بهزر معاك يا ولدى .. خد راحتك ما انت خارب بيتى فى عربون الشجة اللى اخدتها جت على المكالمة بس بتكلم مين يا ولدى جولى .. عطيات ؟؟
احمد : هههههههههههه يخرب بيت عطيات اللى واكلة دماغك دى يابا
الحاج : اه ياولدى من ساعة ماسمعت ضحكتها وانا مش جادر انسى ضحكتها حبتها ايوة انا حبتها مش جادر انسى ضحكتها والحاج قعد يكرر مش جادر انسى ضحكتها
وراح قعد على السرير بتاع احمد وحط دماغه على حجر احمد ولسه برضة هيمااااان
مش جادر انسى ضحكتها مش جادر انسى ضحكتها
فى الوقت ده ام احمد دخلت على العمدة
ام احمد : دى مين دى يابو احمد اللى مش جادر تنسى ضحكتها ؟؟ انت من ساعة ما جبت البانيو ده اللى انت حاطه فوج السطوح وانت احوالك بجت مش عجبانى
الحاج : لا ياغالية متجوليش اكده انتى فهمتى غلط انا بحكى لابنك عن ايامنا الجميلة اول ايام جوازنا لما كنا بنطلع نشم الهوا اللى يرد الروح على قمة المصرف اللى حدانا كنتى اجمل من روبى ايامها .. يللا كانت ايام تعالى نطلع بجى نسيب الواد براحته ... تعالى الا النهاردة جايبين فيلم حلو جوى بتاع سمكة بعشر قروش
ام احمد : ياسلام ياخويا دى رخيصة جوى .. طيب ماتجبلنا كيلو الا انا معيش فلوس
وطلعوا فعلاً من الاوضة احمد كان ميت على نفسه من الضحك على الحوار الجامد اللى دار بين الحاج والحاجة ونور كانت كل الوقت ده هتموت من التفكير ياترى ايه الخبر .. ليه يا احمد قفلت دلوقت المهم اتصل بنور تانى عشان يعتذرلها
احمد : معلش يانور انا اسف
نور: لا ولا يهمك بس انت قفلت على حتة مهمة اوى
احمد : ايه اللى انا قفلت عليه
نور : والله هزعل ... لحقت تنسى ؟.. الخبر اللى هيفرحنى زى ماهو مفرحك
احمد : اه افتكرت .. فاكرة يانور السبب التانى اللى كان مخلينى عايز اسيب شجتى ؟
نور : اه طبعا فاكراه اللى انت مرضتش تقولى عليه
احمد : ولا اجولك خليها لما ننزل مصر
نور : ارجوك يا احمد قول بلاش تعلقنى كده انا مش هستحمل اسبوع بحاله لحد لما تيجى
احمد : معلش يانور .. الاحسن لما اشوفك وماتجلجيش هو خبر حلو
نور : براحتك يا احمد .. احمد اقفل دلوقتى ونكمل بعدين
احمد : ليه يابنتى
نور : اسمع الكلام بس يا احمد علشان خاطرى
احمد : حاضر يا ستى
نور : سلام يا
أحمد : ياا ايه ؟؟؟
نور : يارخم هههههههههههه
احمد : ههههههههههه سلام
وبعد مرور ايام حولى اسبوع تقريبا وكانت مكالمات احمد ونور عباره عن اتنين خلاص بقوا بيحبوا بعض بس بمشاعرهم انما لسانهم لسه مقلهاش وبصراحة عندهم حق .. المشاعر من غير مايقولوا احسن اصل الحب كلمة .. ان اتقالت ما تتحسش ... وان اتحست ماتتقالش المهم احمد كان نازل القاهرة وبلغ نور بكده عشان يشوفها عشان تقوله على عنوان الشقة الجديدة اللى فعلاً نور ظبتطهاله عن طريق سمسار معرفة واحد قريبهم وكان الحاج بعت لنور العربون بتاعها عقبال ما احمد يوصل عشان يخلص الكلام فيها واتصل بيها
احمد : ازيك يانور انا بكلمك من الجطر انا ان شاء الله جدامى زى تلات ساعات وهكون فى القاهرة
نور : خلاص هاجى استقبلك عند محطة القطر عشان اوديك الشقة الجديدة
احمد : لا يابنتى بلاش . انا هروح الاول الشجة الجديمة اخد حاجاتى من هناك وادى مفتاحها لصاحبتها عطيات عبده
نور : وماله اجى معاك .. حتى فرصة اساعدك فى نقل حاجاتك
احمد : خلاص اللى يريحك
احمد فعلاً نزل وصل القاهرة نزل محطة القطر المهم بقى اتلاقوا لقاء حاجة كده ولا فى الاحلام تحس انها زى مقابلة احمد ومنى بعد غياب السنين اللى فرقت بينهم فى الفيلم احمااااااااااااااااااااد ... منااااااااااااااا لالالا منى ايه هنا بقى ... نووووووووووور المهم بعد حرارة اللقاء والسرحان شوية فى العيون كده ركبوا تاكس عشان يوصلهم لشقة احمد القديمة وفعلاً وصلوا
احمد : استنينى هنا يا نور هجيب حاجاتى ونازل على طول
نور : اوكى يا احمد بس متتأخرش
احمد : لا مافيش تأخير و لا حاجة
احمد دخل لم كل حاجاته عطيات كانت موجودة فى شقتها سمعت صوت خبط فى شقة احمد ففتحت الباب لقت احمد فاتح باب شقته وبيطلع منها وهو واخد كل حاجته ودار بينهم الحوار ده
عطيات : خلاص يا مومو الوداع
احمد : ايوة يا ولية خلينى ارتاح من وشك الفجرى ده
عطيات : ليه كده يا مومو فقر ايه .. ده انا حتى وجه فنى
احمد : والله العظيم ... ومين الاهبل اللى عملها ؟؟؟
عطيات : ده صاحب السلخانة اللى على اول شارع المدبح .. انما اييييييييييه بيحبنى اكتر مابيحب الجاموس اللى عايش معاه وهيمانين ببعض قصة حب اتولدت ولا قصة بوريو وجوليو
احمد : بوريو وجوليو ايه يا ولية انتى واقفة فى محل خردواتى
عطيات : خردواتى ايه ياواد انت يظهر مالكش فى الرومانسية والسهتنة ده بقى بالنسبة ليا اهم طور فى حياتى بحبك يابعلى
احمد : ربنا يخلهولك ويبعلك دايماً يللا ع العموم مبروك
عطيات : الله يبارك فيك يا خويا هبقى اجبلك لحمة.. اكيد محروم منها
احمد : محروم منها ايه بس روحى نامى .. ده تلاقيه هيأكلك لحم حمير اهو اقله تنهأى ههههههههههههههه
عطيات : طيب امشى احسن ارفصك .. امشى الا انا حاسة انى هيطلعلى ديل من الزعل يا مومو مستنياك فى فرحى انت والجثة على فكرة هنعمله فى صالة افراح ادبحنى يامعلم وتبقى تجيب العمدة يشرفنا وينورنا احمد : روحى يا ولية ابويا لو شاف عريسك مش بعيد يقتله هههههههههههههه يمسيك بالخير يابا
فى الوقت ده نور كانت تحت البيت واستعجلت احمد فطلعت تطمن عليه فلقته هو وعطيات واقفين ع السلم بيتكلموا
احمد : ايه يانور ايه اللى طلعك ؟
نور : قلقت عليك الا تكون الولية دى عملتلك حاجة
عطيات : وانا هعمله ايه يا جثة .. انا دلوقت على ذمة راجل هههههههههههههههه يعنى مرتبطة
نور : جثة ؟؟.. جثة ايه يا ست انتى ..انتى شغالة حانوتية ولا ايه ؟
عطيات : لا ياختى انا شغالة فى المدبح .. تحت امرالمعلم شاتانوفى وشركاه
نور : ههههههههههههههههه .. مدبح ماهو ده شكلك .. تلاقيكى شغالة هناك تلاجة
احمد : عيب يانور .. دى لو كانت تلاجة كانت اللحمة تبوووووز ههههههههه
عطيات : يا ولاد المضايقة وحياة حبنا يا شاتانوفى لولاك كنت قتلتهم ودخلت فيهم الاحداث
احمد : احدااااااث هههههههههههه ليه انتى لسه قاصر ؟؟؟
ودخلت عطيات تكمل مكالمة الحب والغرام داخل الشقة انتهزوا احمد ونور الفرصة عشان يخلصوا منها ونزلوا وركبوا التاكس عشان يروحوا ع الشقة الجديدة وصلوا الشقة الجديدة فعلاً
نور : احمد هطلع ارتب حاجتك معاك
احمد : لا يابنتى انا ميرضنيش برضة انك تطلعى معايا الشجة واحنا لوحدينا كده
نور : ماتقلقش يابنى انا واثقة فيك وفى نفسى
احمد : زى ماتحبى
طلعوا فعلاً
نور : ايه رأيك فى الشقة يا أحمد ؟؟
احمد : جميلة جداً يانور والأجمل اللى هتعيش فيها
نور سمعت الكلمة دى وقلبها فعلاً وقع فى رجلها ومابقتش عارفة تتلم على اعصابها وقالتله وقلبها بيرتجف
نور : مين دى بقى يا احمد اللى هتعيش فيها ؟؟
احمد : ههههههههههههه بحبك لما بتعملى عبيطة ؟
نور : احمد ارجوك بلاش الكلام ده وجاوب على طول ماتعلقنيش انا اعصابى مش مستحملة
احمد : طيب حاضر انتى مش فاكرة السبب التانى اللى خلانى اسيب شقتى ؟
نور : يووووووووووة على السبب التانى .. يابنى ارحمنى
احمد : خلاص هقول .. انا خلاص كلمت الحاج
نور خلاص هتموت وهى بتتكلم
نور : حاج ايه ؟ مش فاهمة ؟؟
احمد : ههههههههههههههه نور
نور : نعم
احمد : مش بجولك بموت فيكى لما تبجى عبيطة
نور : لا بجد مش فاهمة .. فى ايه ؟
احمد : نور
نور : يادى نور .. نعم
احمد : عايز اجولك انك بجيتى احلى حاجة فى حياتى واتمنى انى اكمل حياتى معاكى
نور : نعم ؟
احمد : ايه يابنتى انا قلت حاجة مش على مزاجك ؟؟
نور : نعم ؟
احمد : يابنتى عليكى عفريت اسمه نعم ؟
نور : ايه ؟
احمد : خلاص يانور اعتبرينى مجلتش حاجة
نور : بس انت يا احمد موضحتش اوى .. اتكلم عايز تقول ايه ؟؟
احمد : ههههههههههه افضلى هبلة كده واخنجينى بجى
نور : معلش اتكلم
احمد : حاضر هتكلم
وسكت شوية
نور : يابنى اتكلم بقى انا لو بحب فى ابو الهول كان نطق
احمد : هههههههههههههههه على اساس انك بتحبينى يانور ؟؟
نور : عارف مستر كاظم الساهر؟؟
احمد : وهل يخفى القمر
نور : بيغنى بقى وبيقول ( هل عندك شك ؟؟؟) اظن كده مسمعشى صوتك تانى
احمد : لا مش فاهم وضحى حضرتك
نور : يالهوووووووووووووووووووووى يابنى خنقتنى
احمد : طيب خلاص خلاص خلاص
نور : ها كنت عايز تقول ايه
احمد : كنت عايز اقول v
v
v
v
v
v
أقووول
v
v
v
v
v
v
v
v
v
v
أقوووووول
v
v
v
v
v
v
v
v
v
v
أقوووووووول
v
v
v
v
v
v
v
v
v
v
تــتــجــوزيــنـى ؟؟؟؟؟
طبعاً الف الف مبروك للعروسين
ونتمنى ان تكون كل قصة حب نقية حقيقية بين اثنين ان تتوج بالزواج كما ينتهى العرض المسرحى بتصفيق المشاهدين
وبالمناسبة دى انا بقول لاحمد ونور الف مبروك
مش شرط احمد ونور اللى فى القصة ولا حتى شاتانوفى وعطيات هههههههههه اى احمد ونور موجودين بينا اى اتنين ارتقوا بحبهم ووصلوا بقلبهم لبر الامان مبحرين فى شاطىء الحب بشراع التفاهم وسفينة الوئام
الف مبروك لاحمد ونور
ورد الحب .. يجعل كل ايامكم حب
ورود الغيرة .. لا غنى عنها للحبيبين .. لكن بحدود
MiDo المدير العام
عدد الرسائل : 2329 العمر : 34 المكان : انشر العدل بكل مكان مملؤء بالظلم العمل : طالب بكلية حقوق جامعة الاسكندرية الديانه : لا اله الا الله محمد رسول الله رضيت بالله ربا وبالاسلام دينا وبمحمد نبيا ورسولا My SMS :
عدد الرسائل : 1682 العمر : 43 المكان : ام الدنيا الديانه : مسلمة My SMS : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">$post[field5]</marquee></fieldset></form><!--- MySMS By AlBa7ar Semauae.com --> نشاط العضو : 0 تاريخ التسجيل : 23/10/2007
موضوع: رد: قصة حب احمد الصعيدى ونور القاهرية السبت 22 ديسمبر - 21:45
ثاااااااااااااانكس يا بحووووووووورجميله اووووي بجد بس انت طلعت عيني فيهاالحمد لله انها خلصت علشان بصراحه يعيني وجعتني فيها اوووووويويارب يا رب تبقي دي نهايه كل نور واحمد بينا
بحر مراقب قسم
عدد الرسائل : 1991 العمر : 38 المكان : الصعايدة وصلو العمل : sales الديانه : مسلم My SMS : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">$post[field5]</marquee></fieldset></form><!--- MySMS By AlBa7ar Semauae.com --> نشاط العضو : 0 تاريخ التسجيل : 27/10/2007
موضوع: رد: قصة حب احمد الصعيدى ونور القاهرية 
السبت 22 ديسمبر - 18:08
