اسئلة ملهاش لزمة

فيه أسئلة بديهية مالهاش اي لزمة في الدنيا بنتعرّض ليها كل يوم من كل
>الناس
>
>
>
>خلـونـــا نشــوف أمثلة
>
>
>
>*************
>
>
>
>إنت في أوضتك .. على السرير وطافي النور ومتغطي. ييجي أخوك الظريف
>ويفتح الباب عليك ويقول : ايه ده انت هتنام ولاّ ايه؟
>
>(( أظن ده مش وضع الرقص !!! واضح ان انا هنام ))
>
>
>
>*************
>
>
>
>انتم معزومين عند ناس ورحتو لبيتهم وأول ما فتحولكوا الباب يقول ابنهم
>الصغير: انتوا جيتــواااااااااااااااا؟
>
>(( لا لسه ))
>
>
>
>*************
>
>
>
>والعكس: انت لابس هدومك و متأنتك و على سنجة عشرة وريحة البارفان واصله
>لاخر الشارع.. وخلاص بتفتح باب الشقة،، يجي حد من أهلك وينادي بصوت
>عالي : انت خااااارج ولاّ اييييييييييه!!!!
>
>(( لاء دانا لسه راجع ))
>
>
>
>*************
>
>
>
>أو مثلا راكب العربية ودوّرتها وخلاص هتطلع ... يجيلك لك البواب
>ويخبطلك على الزجاج،، انت بكل ذوق تفتح الزجاج وتقوله: خير في حاجة؟
>
>يقولك: انت رايح الشغل يابيه؟
>
>(( لا.. العربية واحشاني ))
>
>
>
>*************
>
>
>
>مثلا ماسك سماعة التلفون وقاعد تضغط الارقام يجي حد من أهلك ويقولك:
>انت هتتكلم في التليفون؟
>
>(( لا.. بتفرّج عليه ))
>
>
>
>*************
>
>
>
>مثلا: ماسك مذكرة أو كتاب وقاعد تحفظ ومتحمس (أول مره بقى)
>
>جه حد وقالك: هاه.. قاعد تذاكر؟
>
>
>
>(( تقوم رامي الكتاب وتقوله لااااااااء ))
>
>
>
>*************
>
>
>
>ربنا هاديك كده ... ماسك سبحة و عمال تسبّح، يجي حد من البيت يعدي عليك
>ويقول: هوّه انت بتسبح؟
>
>(( لاء.. هفرطها و أسلقها ))
>
>
>
>*************
>
>
>
>ولاّ تعالــو شوفو قنواتنا واسئلتهم البديهية البايخةبرنامج اهداءات
>يتصل واحد يطلب أغنيه ترد عليه ست الكوتكوته (المذيعة) بكل خفه ورشاقة:
>إنتا بتحب الاغنيّة ديه ولا ايه ؟ (( لاء.. طالبها اخنق على نفسي ))
>
>
>
>*************
>
>
>
>أو مثلا في العيد
>
>المذيع: هههههه هههههههه هههههه نتعرّف بيك
>
>المواطن: فلان الفلاني
>
>المذيع: هههههه هههههه هههههه بتقول ايه للأهل ههه وصحابك ههه وقرابيك
>هههه و للناس اللي انت مخاصمهم كمان؟ هههههه هههههه ههههههه
>
>المواطن: أقولهم كل عام وأنتم بخير
>
>(( أكيد يعني مش هيقولهم البقاء لله ))
>
>
>
>*************
>المذيعة الظريفـة: وياترى بقى هتعملوا ايه العيد ده؟ هتقضوه ازاي؟
>
>أكيد بيبقى زيارات الأهل و الصحاب و تخرجوا تشوفوا مظاهر العيد في
>الشوارع و تفسحوا أولادكم ونتصل بالمعارف نعيّد عليهم ونقولهم كل سنة و
>انتو طيبين
>
>(( سبتيله ايه يقوله يارخمة؟ ))
>
>
>
>*************
>
>
>
>والأسخف بقى ... الشلل الكبير.. لما المذيعين يكلّموا الاطفال
>
>يقول المذيع للطفل : إنت بتحب ماما وبابا؟
>
>(( يعني أساسي الواد لسه ما طلعلوش عرق الندالة علشان يقول لأ ))

ههههههههههههههههههههههه لا بجد تحفه يا محمد انا موت من الضحك ميرسى يا ميدو

بالله عليك يا كومندا احنا داخلين على العيد يا ريت نشوفك بشكل تانى اصلى بتخض اما اشوفك

عفريت لا لسمح الله انا بتكلم على الصورة بترعبنى بجد

ايه ياض خفه الدم دي يا لهوي هموت من الضحك متزعلش من كلمه ياض اظنك لسه موصلتش لسن الرجوله يعني لسه عقلك صغير بااااااااااااااااااااااي

ايه ده يا محمد هو انت لسه صغير اوى كده وكمان موصلتش لسن الرجوله طب ازاى ماسك رئاسه المنتدى

أنا اللي موصلتش لسن الرجوله يا بنت انتي يا بتاع اول امبارح

ها يا كوماندا ورايك ايه انت فى الموضوع ده

مين اللي بنت امبارح ايمان مش بنت امبارح ولا حاجه ده حتي ايمان اكبر منك شوف بكام سنه يعني عقلها اكبر منك هههههههههه ماشي ياض ...... سلام ياض.

لو عاندك الجرءة والشجاعة تكلميني علي الميل وانا اقولك مين ابن امبارح متحدفيش الكلام وتجري

اولا انا مش محتاجه اني ارمي كلام واجري انا ...اقول...اللي...انا...عايزاه...في الوقت...اللي ...انا...عايزاه ومحدش هيحكمني مش واحد زيك هيبقي ليه كلمه عليا.
ثانيا ...انا عندي الجرأه والشجاعه دايما ...يعني...متعودتش اني اكون جبانه زي بعض الناس
لكن محبش اني اكلم واحد زيك اساسا علي الميل اوتكون اصلا في الماسنجر عندي
واما احب اقول حاجه هقووووووووووولها
هههههههههههههههههههههههههه
بااااااااااااااااااااااااااااي

اديكي شوفتي ردودها اهه يا يارا من الواضح ان دي خسارة حد يفكر اصلا في انه يصالحه علي حاجة هو مش عارف هو عمل فيها ايه اصلا

ههههههههههههههههه عندك حق يا ميدو